Aurkezpena

 

EUSKAL HERRIA. EUSKARA. MUNDURA

Nola sortu ginen? Beste hainbat ikastola bezalaxe, familien eta herriko sektore batzuen nahiagatik sortu ginen; heziketa proiektu propioa behar genuen, euskal kultura bermatzen duena eta aberasten gaituzten beste kulturetara zabalik.

 

GUZTIOK PARTE HARTZEN DUGU, GUZTION ARTEAN ERABAKITZEN DUGU

Sortu ginenetik funtzionamendu berezia izan dugu: kooperatiba gara, gure ikastolaren kudeaketa familien, ikasleen eta profesionalen arteko elkarlanean egiten dugu.

 

ERRESPETUA - DIFERENTZIA - TOLERANTZIA

Abusu Ikastolak ideologia eta pentsamolde guztiak errespetatzen ditu; hau dela eta laikoak gara. Gure ustez, honela, mundu guztiari zabaltzen dizkiegu ateak.
 

 

 

 

BERRITZEA - ALDATZEA - HOBETZEA

Guretzat ez dago behin-betikoa denik; hezkuntza arloan hobekuntza, berrikuntza eta aldatzeko gaitasuna beharrezkoak direla erakutsi nahi dugu. Badago beti zer hobetzea, berrikuntza gure izaeran dago.
Gure ikasleak adituak, eleanitzak eta teknologia berrietan iaioak izango dira; gizartearen erronkei aurre egiteko gauza izango dira ere.

 

IKASTOLA - IKASTOLAK

Bakarrik ez gaudela badakigu. Abusu Ikastola Partaide-Ikastolen Elkarteko kidea da eta material didaktikoa eta hezkuntza baliabideak komunak ditugu. Hau dena helburu batekin: Euskal Eskola eraiki nahi dugu. Elkarrekin lortu egingo dugu.

 

GURE BALORE GARRANTZITSUENA

Baina zerbaitetaz harro bagaude zera da: familien, ikasleen eta profesionalen arteko lotura sendoaz, hurbiltasunaz eta harremanaz.

Gure izaera hurbiltasuna da, hezkuntza komunitatearen partaideen arteko lotura bultzatzen baitugu, familia handia izan gaitezen, proiektu bat geroari begira.

Gaur egun 400 familia eta 600 ikasle gara, hemendik gutxira 520 familia eta 800 ikasle ikusiko ditugu gure artean; geroa Abusu Ikastolan dago ere.