Jantokia

Jantokiko zerbitzua ikasleen elikadura zaintzeko eta euren autonomia lantzeko esparrua da, bazkalordua momentu hezigarri eta atsegina izatea helburu duena. Gure hezkuntza proiektu berritzaileari balio gehigarria ematen diona. Hau guztia lortzeko, Abusu Ikastolako sukaldari taldeak egunero prestatzen ditu zerbitzatuko diren jakiak.

abusu ikastola jantokia

Funtzionamendua

Ikastolaren beste eremu batzuetan bezala, jantokiaren funtzionamenduari jarraipena egiteko langile eta familiez osatutako batzorde bat eratuta dago. Bertan, hobekuntza eta aldaketa esparruak identifikatzen dira eta proposamenak.

ASKORA: MAHI-MAHI PROIEKTUA

Abusu Ikastolan jantoki eta eguerdi garaiko jolasgaraiaren kudeaketarako eredu berritzaile bat dugu, haurren garapena eta balioen lanketa sustatzen duen Mahi-Mahi eredua.

Mahi-Mahiren helburu nagusia haur eta nerabeek modu orekatuan jatea eta hauengan elikadura ohitura osasungarriak sustatzea da, baita gustura sentiaraziko dituen espazio bat sortu eta esperientzia dibertigarri eta hezitzailea bizitzen laguntzea.

Pertsonetan oinarritutako jangela da gurea. Horregatik, espazioa ikasleen beharretara egokitu genuen, euren autonomia garatu, erlaxatzeko uneak eskaini edota bakoitzaren egoera emozionalari loturik, senti ditzaketen sentimendu ezberdinek lekua izan dezaten.

Ikasleek rol aktibo bat dute gainera, mahaia jartzen laguntzen dute, bakoitza bere janaria mahaira eramateaz arduratzen da, mahaia jasotzeaz, baita guztion artean birziklatu ere.

abusu ikastola jantokia
abusu ikastola jantokia

Zerbitzua

Jantoki zerbitzua Irailetik ekainera martxan dagoen zerbitzua da. Altak eta bajak edozein unetan har daiteke, beti ere, baja emateko uneari dagokion hilabeteko kuota osoa ordainduta.

Menuak